Stockholm Syndrome

( متلازمة ستوكهولم stockholm syndrome) هي متلازمة نفسية بتصيب الفرد لما بيبدأ يتعاطف مع الخاطف أو القاتل و ساعات بيحمل بعض مشاعر الولاء ليه و ممكن كمان يشاركه ف مشاعر الكره ضد الشرطة و السلطات أو الجهات المنقذة ليه و ملفات الشرطة سجلت أن المتلازمة دي بتحصل ل8% من الضحايا أو الرهائن إسم المتلازمة بيرجع لحادثة شهيرة حصلت في أغسطس 1973 في السويد تحديدًا مدينة "ستوكهولم" لما إقتحم شخص إسمه "Jan Erek Olsen" بنك كريديتبانكين و إحتجز أربعة من الرهائن وقتها و حصل اشتباك بالأسلحة بينه و بين الشرطة و إشترطت عليهم يجيبوله صديقه الأول عشان يتفاوض معاهم ت بالفعل الشرطة جابتله صديقة عشان تكسب شوية وقت لأنهم أثناء التفاوضات دي كانوا بيخططوا يدخلوا البنك من فتحة فالسقف. بعد فشل المفاوضات بين الطرفين و إدراك المجرمين إن خلاص مفيش فايدة قرروا يسلموا نفسهم للشرطة و تم القبض عليهم و لما الشرطة بدأت تحقق فالموضوع الضحايا رفضوا يشهدوا ضد المجرمين دول و حتي دفعولهم أتعاب المحاماة كمان لما تدخل الطب النفسي لتفسير الواقعة دي قالوا أن أحد أسبابها بترجع لغريزة البقاء؛ لأن الضحايا بيكونوا مع المختطفين في نفس المكان و بيحسوا بنفس مشاعر المختَطِفين من توتر و ضغط نفسي و بياكلوا من نفس الأكل و معاملة المختطفين ليهم بتكون لطيفة أو حتي لو مش لطيفة ف هما مجبرين علي عدم إيذاء الضحايا عشان يقدروا يتعايشوا مع بعض طول فترة الإختطاف ف دا بيحول مشاعر الضحايا لمشاعر إيجابية للخاطفين و تدريجيًا بيشاركوهم أهدافهم و أفكارهم و أسبابهم و كرههم للشرطة و بيبقي الضحايا ضد أي حد بيهدد العلاقة الإيجابية دي الخاطف بيبدأ يستغل دا أكتر و بيستخدم الضحايا كأداة ضغط بيضغط بيها علي السلطات أو الشرطة، أو بيستخدمهم عشان يحقق أهدافه و ممكن الضحية تنضم للمجرمين بإرادتها و تكون فرد منهم Follow Us on Instagram https://www.instagram.com/invites/contact/?i=zicojpsnex93&utm_content=ng1jjxq #Medicine_Mix_Team Searched By: Aya Hassan Written By: Sara Ibrahim Designed By: Mena Badr